ខេត្តកំពង់ឆ្នាំង ÷ ព្រឹកថ្ងៃទី១០ ខែសីហា ឆ្នាំ២០២១នេះ ស៊ុន សុវណ្ណារិទ្ធ បានដឹកនាំកិច្ចប្រជុំតាមប្រព័ន្ធ Zoom ដើម្បីពិភាក្សាអំពីការងាររៀបចំមណ្ឌលចត្តាឡីស័ក និងមណ្ឌលព្យាបាលនៅតាមបណ្តាក្រុង ស្រុក សម្រាប់ទទួលយកពលករដែលវិលត្រឡប់មកពីប្រទេសថៃតាមព្រំដែនគោក ស្របតាមសារាចរណែនាំរបស់រាជរដ្ឋាភិបាល។ កិច្ចប្រជុំមានការអញ្ជើញចូលរួមពីអភិបាលរងខេត្ត នាយករងរដ្ឋបាលសាលាខេត្ត ប្រធានមន្ទីរជុំវិញខេត្ត នាយកទីចាត់ការសាលាខេត្ត អភិបាលក្រុង ស្រុក និងមេឃុំ ចៅសង្កាត់។
មុនកិច្ចប្រជុំបានបញ្ចប់ឯកឧត្តមអភិបាលខេត្តបានដាក់ចេញនូវសកម្មភាពការងារសំខាន់ៗមួយចំនួន ដល់មន្ទីរអង្គភាព សមត្ថកិច្ច និងអាជ្ញាធរគ្រប់លំដាប់ថ្នាក់ ដើម្បីអនុវត្តឲ្យបានជោគជ័យនូវសារាចរណែនាំរបស់រាជរដ្ឋាភិបាល ក្នុងការទប់ស្កាត់ការឆ្លងរាលដាលនៃជំងឺកូវីដ-១៩ ពិសេសមេរោគបំប្លែងខ្លួនថ្មី ប្រភេទដែលតា (Delta) លើពលករដែលវិលត្រឡប់មកពីប្រទេសថៃតាមព្រំដែនគោក៕
